6.5 Metric tons sang mga prutas kag utanon halin sa rehiyon dose gindala sa Metro Manila.

25

Nagalab-ot sa 6.5 metric tons sang assorted nga mga prutas kag utanon halin sa rehiyon dose ang gipadala sa Metro Manila, bilang sabat sa panawagan ni Department Agriculture Secretary William Dar.
Paagi sa Agribusiness and Marketing Assistance Division (AMAD) sang DA 12 napadali ang nasambit nga aktibidad sa katuyuan nga makontrol ang presyo sang agricultural commodities sa merkado matapos ang pagsalakay sang magkasunod nga tatlo ka bagyo sa pungsod.
Ginpahayag ni AMAD Deputy Chief Andy Ango nga sa subong kinahanglan sang Metro Manila ang suplay halin sa Mindanao.
May-angot sini suno sa iya padayon ang pagbulig sang ahensya sa mga mangunguma sa rehiyon agud nga mamarket ang ila nga ani ilabi na subong nga panahon sang pandemya paagi sa Kadiwa ni Ani at Kita program sang Department of Agriculture 12.
Suno naman kay Abegail Gavilo, Manager sang Gensan City Food Terminal Multi-purpose Cooperative nga paagi sa inisyatibo sang DA 12 makabulig ini sa mga mangunguma sa rehiyon nga mapabaskog pa gid ang ila nga produksyon sa tunga sang COVID-19 crisis.
Dugang pa ni Gavilo nga paagi sa nasambit nga aktibidad daku ang mahatag sini nga bulig sa mga mangunguma para mahatagan sang tama nga presyo ang ila mga produkto kag mapadayon ang ila nga pagpanguma.

Facebook Comments