60% aplikante sa Eastern Mindanao nipasar sa PH Navy recruitment

Davao City – Anaa sa 1,115 ka mga aplikante gikan sa nagkadaiyang rehiyon sa Eastern Mindanao ang mi-apply aron mamahimong kabahin sa Philippine Navy sa gilusad nga mobile recruitment.

Sa interbyu sa DXDC RMN Davao kang Lt. Brian Arellano, OIC Recruitment Team, Philippine Navy, 60% sa mga aplikante ang nakapasar diin 565 sa Sailor Basic Course (Enlisted), 33 sa Naval Officers Candidate Course (NOCC) ug 97 usab alang sa Marines.

Sumala ni Arellano, istriktong gipatuman sa mobile recruitment ang Minimum Public Health Protocol ug kinahanglan nga fully vaccinated ang mga aplikante.

“Pagdating sa gate hinihingian na kagaagad iyong mga bata ng vaccination card, kailangan fully vaccinated para masiguro natin na safe iyong mga tao sa Philippine Navy at pati na rin iyong mga batang mag-eexam,” matud niini.

Ang mga nipasar nga aplikante sa Sailor Basic Course mopailawom og 6 bulan nga training, usa ka tuig sa Naval Officers samtang unom ka bulan sa mga aplikante pagka-Marines.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>