600 Kapin Nga Mga Atleta Gikan Sa Rehiyon 9 Musalmot Sa Palarong Pambansa

38

PAGADIAN – Mokapin sa 600 ka atleta gikan sa rehiyon 9 ang musalmot sa palarong pambansa 2016 nga pagahimoon sa lalawigan sa albay karung abril 10 hangtud 16 niini nga tuig.Sa interview sa RMN Pagadian kang Elizabeth Borres ang regional Director sa Department of Education Region 9, nakagikan na ang 608 ka mga atleta mga maoy representante sa rehiyon.Giubanan usab kini sa mga coaches nga nigikan niadtung marso 20, samtang ang 53 ka mga atleta moapas niining semana nga nalangan gumikan kay duna pay gisalmotan nga kompetisyon sa Davao.Mokabat sa 5.2 Milyon ang gastohon sa rehiyon alang sa naasoy nga aktibidad, niining panahona ang mga atleta sa region 9 naa sa lungsod sa Sto. Domingo ang pinaka duol nga lungsod diin ipahigayon ang palaro. (RMN-PAGADIAN / KENNETH BUSTAMANTE)

Facebook Comments