Patay nang nakit-an ang 66 anyos nga si Elsa Villarojo Dalapag nga naghigda sa iyang kwarto sa ilang balay sa Zone 13, Natumolan, Tagoloan, Misamis Oriental.
Matud ni PO1 Aljun Linaban, desk officer sa Tagoloan Municipal Police Station nga mga alas 10 kagabie, usa ka Jonathan Galleon ang mireport sa maong insidente human nila nadiskobrehan nga dunay nanimaho ug sa ilang pagsuta sa panimalay ni Dalapag, didto naggikan ang maong baho ug nakit-an nila ang patayng lawas sa maong 66 anyos.
Gibutyag usab ni PO1 Linaban nga walay nakitang samad sa lawas niini ug walay foul sa kamatayon sa biktima kinsa gitoohang pito ka adlaw nang patay ug naa na sa state of decomposition.
Sa karon, ang patayng lawas sa biktima naa gipahiluna sa Everlasting Funeral homes sa Casinglot, Tagoloan.
