Moharvest na sa ilang tinanom nga Cacao ang pito ka lungsod sa Misamis Oriental human sa duha ka tuig nga paghulat.
Mokabat sa 455 ektaryas nga tanom sa Cacao ang mahimo nang maharvest sa lungsod sa Gingoog, Claveria, Initao, Naawan, Manticao, Lugait ug Talisayan.
Samtang kapin sa tres mil ka ektaryas ang gikan sa lungsod sa Lugait hangtud sa Magsaysay ang natamnan na sa Cacao.
Matud ni Reynaldo Doong, Agricultural Technician II ug kasamtangang in-charge sa Cacao Industry nga dunay 15 ka mga mag-uuma ang makabenepisyo sa kada munisipyo tungod sa gipanghatag nga 800 ka binhi sa Cacao.
Gidugang ni Doong nga aron maka avail sa Cacao seedlings, kinahanglan mosulat kang Gobernador Bambi Emano, pinaagi ni Dr. Benjamin Resma, ang ulo sa Provincial Agriculture Office sa ilang intensiyon nga gusto nilang magtanom sa maong main ingredient sa tsokolate.
Giklaro usab ni Doong nga sugod pa Disyembre 2018 mag-harvest sa ilang abot ang mga mag-uuma.
