Kalibo, Aklan – Kwarta ag alahas rong nadali sa sangka 73-anyos nga lola nga taga Brgy. Tigayon, Kalibo matapos nga gina alegar nabiktima it budol-budol kaina it agahon.
Suno sa panaysayon it lola sa Kalibo PNP nga kaina it agahon hay una imaw sa Bread and Butter nga nahamtang sa Toting Reyes St., Andagao kat imaw paeapitan it uwa na makilaeang eaeaki nga nagapan edaron it mga early 40s ag nag hambae nga “ kamusta ka nay? Musyon sa kotse may itao ako kimo nga pahumot ay bag-o man akong panaog sa barko” kung sa siin rayang suspek hay nagpakuno-kuno nga amigo ko unga it nasambit nga lola.
Ro nasambit nga lola hay nagsakay man sa kotse it biktima nga sangka Toyota Vios ag color dark red ag tag idto eon imaw sa sueod hay nakita nana nga may daywa pa ka babaye nga kibahan ro nasambit nga suspek ag rato ro nakipag istorya sa lola.
Ginhambaean ro nasambit nga lola nga ibutang sa andang pouch ro anang gold nga singsing, kwarta nga naga balor it P 46,000.00, wrist watch ag ro anang gold nga aritos ag dayon ginhambaean imaw nga buytan ro sangka bag nga may sueod nga P 300,000.00 ag dayon nagpanaog rong lola sa kotse it mga biktima sa may crossing Libtong, Estancia.
Nagkangawa rong lola pati ro anang pamilya hay na confuse kung ano ro sued it bag nga ginpadaea kana rason nga andang ginbuksan ag ginbukad kung sa siin nakibot sanda nga rong sueod hay mga binandol ag binalilin nga papel.
Matapos nga madiskubrehan ro sueod ko bag hay nagdesisyon ra sanda nga ipa rekord sa Kalibo PNP rong hitabo.
Gindugang pa it lola nga ro mga suspek hay may una pa gid nga kaibahan nga sakay man it Toyota Innova.
Ro nasambit ngara nga kaso hay una eon sa taeatapan it Theft and Robbery Section it Kalibo PNP para sa pag follow up.
#TatakRMN
