Naa sa 81 ka mga health workers sa Cagayan de Oro ang nataptan sa COVID-19, base sa datus sa Task Force COVID 19 Emergency Operation Center.
Matud ni City Epidemiologist Dr. Teodulfo Joselito Retuya, Jr., 23 niini mga medical doctors, 38 mga nurses lakip niini ang mga nursing attendants, midwives, radiologic technologists, pharmacists, dental, administrative ug ward personnel gikan sa Northern Mindanao Medical Center, JR Borja General Hospital ug uban pang mga pribadong ospital sa syudad.
Sa karon naa sa 1,139 ang mga natalang kaso sa COVID-19 sa Cagayan de Oro kung asa 729 ang nimaayo na, 359 ang active cases ug 51 ang namatay.
Facebook Comments
