Madalag, Aklan — Nakita eon kaina it hapon ro ungang eaeaki nga inanod kahapon it hapon sa Timbaban River ukon Madalag River.
Ro nasambit nga unga hay nakilaea kay Gian Cris Zaranduna ag residente it Brgy. Cabangahan sa nasambit nga banwa.
Nakita ro anang patay nga eawas nga gin dagsa kaina it hapon sa may Sitio Nonok, Baybay, Makato, Aklan.
Sa nabuoe nga report it RMN DYKR Kalibo, nga rayang unga hay nag-adto sa suba kaibahan ro anang 14-anyos nga magueang ag may tatlo pa para kunta magbuoe it bato nga gina ubrang poroject sa eskwelahan mga ala una it hapon.
Tag nagapatabok eon sandang lima nga nagadaeapitan pa ko andang alima ag raying biktima hay ginadapit ko anang magueang tag gulpi nga may nag ragasa nga tubi halin sa bukid nga subrang baskog.
Habuhi-an ko anang magueang ro biktima rason nga raya inanod, gintinguhaan pa nana nga maabot pero uwa gid.
Insigida sanda tumakas ag nangayo it bulig pero uwa eon gid makita ro nasambit nga unga.
Nagpatigayon man it search and rescue ag retrieval para sa unga pero uwa gid Makita ag kaina nakita imaw nga gindagsa.
Bago pa man natabo ro insidente hay naglambing lambing pa ro unga sa anang nanay ag sobrang malipayon.
Dugang pa nga kahapon mga alas nueve it agahon samtang naga motor ro anang tiya ana kuno nga hasub-eang ro unga nga nagabaktas ag naka barong, gin kutana pero uwa nagsabat ag nasayuran nga ko oras ngaron hay idto ta ro unga sa andang baeay.
