90-million pesos, gibayad sa Cagayan de Oro City Hall sa contractor sa modernong traffic lights

Gibayran sa Cagayan de Oro City hall ang contractor nga maoy nagtukod sa modernong traffic lights ning syudad sa kapin 90-million pesos nga walay utang sa bangko.

Mao kini ang gibutyag ni Mayor Oscar Moreno sa iyang programa kagabi-e ning sibyahan sa dxCC-RMN.

Matud ni Moreno nga bisan dunay credit line ang City hall sa Land Bank of the Philippines alang sa maong proyekto apan iyang nahukman nga dili gamiton ang maong credit line.

Gibutyag ni Moreno nga sukad sa iyang paglingkod sa pagka mayor niadtong 2013, wala pay iyang utang sa bangko.

Gipasabot ni Moreno nga sa pagkakaron, duna pay kapin sa One-billion pesos nga salapi ang city hall nga naka-deposito sa lain-laing bangko ning syudad.

By: RadyoMaN Nitz Arancon