Davao City – Subling gidasig karon sa Commission on Election (COMELEC) ang tanang katawhang adunay reklamo kalambigit sa mga problemang ilang nasugata atol sa pagbotar.
Sa media briefing, gibutyag ni Comm. Shariff Abas nga nadawat nila ang total nga 6,726 ka mga complaints mahitungod sa mga pangalan nga nawala sa voters list diin ang tanan naatiman na sa poll body as of broadcast time.
Usa sa hotline nga mamahimong dangpan sa mga complainants mao ang Hotline 8888 sa Duterte administration.
Sa pikas bahin, gibutyag sa Department of Interior and Local Government (DILG) nga gi-mobilize na ang tanang mga ahensiya sa gobyerno aron tubagon ang ispesipikong reklamo sa mga botantes.
Usab, sa ilang kabahin gipasalig sa Department of Education (DepEd) nga andam ug tagana silang mo-asistir sa election agency sa pag-supervise sa synchronized Barangay and Sangguniang Kabataan Elections.
RadyoMaN June Duterte
