Abogado ug kanhi Board Member sa Misamis Oriental, gisilotang mabilanggo sa tibuok kinabuhi

52

Gisilotan sa pagkabilango sa iyang tibuok kinabuhi si Atty. Michael Roa nga kanhi Board Member sa Misamis Oriental human nakit-an sa korte nga sad-an sa kasong illegal possession of illegal drug.

 

Lakip sa gipahamtangan sa parehong silot si Porferio Roa Jr.


 

Si Atty. Roa ug iyang igsoon nga si Porferio Jr., gimultahan pa sa korte nga magbayad sa multang 800-mil pesos.

 

Samtang si John Rey Roa, gisilotan usab sa korte nga i-rehab sulod sa unom ka bulan human nakit-an  nga positibong nag-gamit sa SHABU.

 

Si Justine Mae Pundavela, wala malakip sa maong silot kay mi-ikyas kini human naka-piyansa sa iyang kasong paggamit sa druga.

 

Ang silot nga gipahamtang batok sa maong mga akusado basi sa Joint decision nga gipakanaog ni Judge Gil Bollozos sa Regional Trial Court Branch 21.

 

Ang maong mga akusado nadakpan sa mga element sa PDEA niadtong November 10, 2016 didto sa ilang balay sa lungsod sa Balingasag, Misamis Oriental.




 

Gidakop sa  PDEA ang maong mga tawo pinasikad sa search warrant nga gi-issue sa usa ka Executive Judge sa Gingoog  City.

 

Atol sa pagpangrunda, nakuha sa PDEA gikan sa ilang possession ang illegal drugs nga mokabat sa kapin 50 gramos.

Facebook Comments