Accidente

Salvao ya peligro el ciete persona despues yan banggaan el un Pajero y auto na Boalan entrada Zambowood ayer tarde.
Saiz el irido na Pajero inclujido el tsuper mientras ya sinti duele na cabesa el tsuper na auto.
Asegun bien corre el Pajero pa entrada na Zambowood mientras pa salida el auto.
Perro yan bangga el Pajero na poste de cemento que parao na canto del calsada.
Porcausa na fuerza, ya tumba el poste na un diutay tienda que ya sale bien destrosao tambien.
Atiempo tan encuentro el auto y ya tupa tambien el musu del Pajero na esquierda musu del auto.
Con el maga muntao na Pajero ya lleva na hospital muntao na ambulancia mientras el tsuper del auto solo solo ya anda na hospital.