Kalibo, Aklan — Uwa it kakueangan ag indi maapektuhan ro probinsya it Aklan bangud nga may bastanteng supply it NFA rice.
Raya rong ginpahayag ni Josephine Venus D. Castillo, Provincial Manager it Aklan sa pakikipag-angot kana it programang Straight-to-the-Point it RMN DYKR.
Suno kay Castillo nga bukon man it tanan nga taga Aklan hay naga gamit it NFA rice kundi ro iba hay commercial rice rong gina gamit.
Pero may posibilidad nga maapektuhan rong bilog nga nasyon kung magka shortage gid man sa supply it NFA bangud nga hasta sa makaron hay uwa pa gid maaprobahan rong importation request nanda.
Gindugang pa gid ni Castillo nga kung amot amat hay naga nubo man ro produksyon it paeay sa Aklan bangud sa pila ka mga factors kamana kung kalamidad, maea-in nga tyempo, pagpang atake it mga peste sa eanas ag makaron rong sigidas nga conversion it mga eanas paadto sa commercial building.
Sa makaron rong status naton sa Aklan hay sufficient, Capiz, Iloilo ag Antique hay surplus ag rong Negros eamang rong deficit bangud nga uwa haeos sanda it kaeanasan.
