AKLAN YEAR 2020 ANNUAL BUDGET PIRMADO EON

Kalibo, Aklan – Matapos nga aprubahan sa 24rth Regular Session it 18th Sangguniang Panlalawigan ro
Two Billion Two Hundred Twenty Four Million Four Hundred Thousand Five Hundred Five Pesos
P2,224,400,505.00 ro 2020 annual budget it Aklan kon siin insigida nga ging pirmahan raya ko mga
miyembro’t SP ag ni Governor Florencio Joben Miraflores.
Ro pag aprubar ko nasambit nga budget suno kay Vice Governor Reynaldo Quimpo hay nag agi anay it
serye’t marathon committee hearings it Committee of the Whole matapos nga ging submitar raya it
ehekutibo ko October 16, 2019.
Suno kay Governor Miraflores mas mataas it 9% ro 2020 annual budget it probinsiya ikumparar ko 2019,
kon siin haeos 43 percent kara hay maagto sa social services sector para mapamaayad-ayad ro health
care services, safety ag protection it mga Akeanon partikular ro kamaeayran it vulnerable nga sector it
sosyudad kapareho it mga unga, person with disabilities ag magueang.
Ging pasaeamatan man ni Governor Miraflores ro tanan nga miyembro it !8th Sangguninag Panlalawigan
sa minorya man ag sa mayorya nga nag apruba ko Aklan 2020 annual budget…