Aktibidad sa 2018 SRAA Meet plastado na, opening program ipatigayon sa Pebrero 17.

59

Plastado na suno kay Sir Alex Floro, Sports Supervisor sang South Cotabato Division Office ang mga aktibidad sa patigayunon nga Socsargen Regional Athletic Association ukon 2018 SRAA Meet.
May-angot sini, sa Pebrero 14 tubtob 16 ipatigayon ang Regional Refresher Activity for Technical Officials, SRAA Tree Planting sa Brgy. El Nonok sa banwa sang Banga, sa Pebrero 17 sang aga ipatigayon ang Ecunumecal Mass kag pagka-alas 3:00 sang hapon ipatigayon ang opening program sa bahin sang South Cotabato Sports Complex, pagkagab-i naman ang governor`s night.
Samtang mangin dinapit naman nga bisita sa opening program sang 2018 SRAA Meet si Atty. Revsee A. Escobedo, Assistant Secretary for Program Management and Field Operation sang Dep. Ed. kag sa closing program si Undersecretary Tonisito Umali.
Samtang suno kay Sir Floro magaumpisa naman ang sports competition sa Pebrero 18 tubtob 21.

Facebook Comments