Kalibo, Aklan—Arestado rong sangka akusado sa kasong pagbayolar sa R.A. 10883 ukon Anti-Car napping Act of 2016 kabii sa Puroko 2. C. Laserna St.,Kalibo,Aklan.
Nakilaea rong akusado kay Val dela Rosa y Reynaldo, 17-anyos ag residente it nasambit nga lugar.
Na aresto si Dela Rosa ko mga katapo it Kalibo MPS, Aklan PPO Tracker Team ag CIDG-Aklan pinaagi sa bisa kung warrant of arrest nga may Criminal Case #14084 nga gin issue ag ginpaguwa ni Hon. Bienvenido P. Barrios Jr., Presiding Judge Of Regional Trial Court, 6th Judicial Region, Brach 3 nga may petsang Pebrero 2, 2018.
P 200,000 pesos rong pyansa nga gintaeana it korte para sa anang temporaryong kahilwayan.
Si Dela Rosa hay detained sa lock-up cell it Kalibo MPS ag iga turn-over sa korteng natungdan.
Samtang sa pihak nga parte, may mga na-recover pa mga gadgets sa possession ag control ko nasambit nga suspek kamana ko 1 G Shock watch, 1 smart watch, 1 Oppo dummy phone, 1 Oppo cellphone, 1 SKK Mobile cellphone, 1 Alcatel One Touch cellphone, 1 Lenovo Headset Bluetooth, memory card, nano sim card, ag sangka pouch nga may kwarta nga P193.00 pesos.
