Akusado sa kasong rape ag attempted rape arestado

KALIBO, AKLAN — Arestado rong sangka akusado sa kasong rape ag attempted rape kahapon sa Brgy. San Jose, Madalag, Aklan.
Nakilaea ro akusado kay Richard Javier y Nam-ay, 43-anyos ag residente man it nasambit nga lugar.
Gin aresto rong akusado ko gintingub nga pwersa it Madalag PNP ag Nabas PNP pinaagi sa bisa kung warrant of arres nga ginpaguwa ni Hon. Judge Bienvenido P. Barrios Jr., presiding judge, Branch 3, Kalibo Aklan sa kasong two counts of rape in relation to R.A. 7610 nga may criminal case # 13815 ag 13817 kung sa siin uwat pyansa nga gintaeana rong korte.
Samtang, may kaso pa gid nga attempted rape rong suspek sa idaeom kung criminal case # 13816 ag may pyansa nga 120,000 pesos.
Ro warrant of arrest ni Javier hay ginpaguwa ko Agosto 8, 2017.
Detained sa lock up cell it Madalag PNP rong suspek ag iga turn over sa korteng natungdan.