Laing kalampusan batok sa insurhensya ang nahimu sa 75th IB Phil. Army nga nakabasi sa Bislig City, Surigao del Sur human bolontaryong mitahan sa iyang kaugalingon ngadto sa kasundaluhan ang giilang political officer sa New Peoples’ Army (NPA).
Giila ni LTC Jaime Datuin, commanding officer sa 75th IB Phil. Army ang nagsurender nga si Aileen Inayan Mission, “alias Yvonn/Angie, 31 anyos, residenti sa brgy. Sarmiento, Laak, Compostela Valley Province.
Si Mission maoy kanhi political officer sa Guerilla Front Committee 33 ubos sa Southern Mindanao Regional Committee sa NPA.
Bitbit sa pagsurender ni Mission ang usa ka M16A1 riffle, usa ka shotgun ug daghang mga buhing bala.
Suby niini gipaniguru ni LTC Datuian nga makabenepisyo si Mission sa Enhanced Comprehensive Local Integration Program (E-CLIP) sa goberno.
[image: npa 75th.jpg]
