Victorias City – Naga hilibi-on nga nag pa interview sa Investigative Team sang RMN ang amay ni Noven Belleza nga si Reynaldo Belleza, 55 anyos, didto sa ila puluy-an sa HDA. Salome 2, Brgy. 10, Victorias City.
Ini ang wala man naga inom, kag wala man sang kun anano nga bisyo, obserbasyon sa pag katawo ni Noven nga gin-ugyonan man ni Mayor Wantan Palanca sang Victorias City, gani tuman ka imposible nga mahimo ni Noven ang gina-alegar nga pagrape sa amo nga babayi.
Suno pa sa kay Tatay Reynaldo, dako nga problema ang ila gina atubang sa akusasyon batok sa iya nga bata bangud ini amo ang ila nga bread winner kag amo ang naga suporta sa ila mga kinahanglanon, lakip na sa pagpaeskwela sang magagmay pa sini nga mga manghod.
Gani ini ang naga panawagan sa mga nagasupporta ni Noven nga kuntani magpangamuyo man nga malampuwasan sini ang gina pangatubang nga problema.
Samtang, pagkatapos sang apat ka adlaw nga yara sa police custody, pwede na nga maka-pauli si Noven Belleza sang Victorias City matapos nakapyansa.
Ini matapos nga gin-downgrade sang Cebu City Prosecutors Office ang kaso nga gin-file batok kay Belleza halin sa rape kag ginhimo na gid lamang nga sexual assault.
Suno kay Cebu City Assistant Prosecutor Ma. Theresa Casiño, nga matapos nga iya gin-review ang ebidensya nga gin-present sang tag-reklamo, nagpa-gwa ini sang ruling nga ang kaso nga dapat ipa-saka sa amo nga singing champion amo ang sexual assault kag indi rape.
Nahibaluan nga kapin 120 mil pesos ang ginpyansa ni Belleza para makaguwa temporaryo.
Tags: Visayas, Noven Belleza, Victorias City,
