Davao City – Kasagaran sa mga tawong nisalig ug natagbaw sa performance sa Duterte administration naggikan sa social class D-E diin gikonsidera kini nga maoy ‘sway group.’
Sa interbyu sa RMN DXDC Davao, gibatbat ni Dr. Adrian Tamayo, executive director sa Institute of Popular Opinion (IPO) sa University of Mindanao nga kini usa lamang sa mga ‘result indicators’ sa labing ulahing mga surveys giluwatan sa mga polling outfits sama sa Pulse Asia Research ug sa Social Weather Station (SWS).
“What Pulse (Asia Research) and SWS reveal in their surveys is the base support of Duterte. 6 in 10 Filipinos mostly C-B and few A in income class. The sway are D-E (2 in10) mostly urban,” segun sa Davao academician.
Matud ni Tamayo, ‘battle ground is urban poor, allies are middle class in urban and upper-class ‘probinsiyanos.”
Gilantaw usab sa uban pang mga analysts nga gumikan daku ang potential sa gitawag nga ‘resource-rich yet slow-moving countryside sectors,’ moabot ang panahon diin ang mga investors maningkamot gayud sa pag-catch up.
Gumikan niini nga scenario ilabi na kun matapos na unya ang mga ‘basic infrastructures’ posible sa 2018, ang ‘urban-based development’ malagmit matagamtaman sa mga syudad sa Davao, General Santos, Zamboanga ug Cagayan de Oro.
Sa iyang mensahe kagabii, gibatbat mismo sa pamuno-nasud nga siya nalipay nga nigula nga ang ‘masa’ anaa sa gihapon sa iyang kiliran bisan pa man tuod sa grabeng pagbatikos kaniya sa mga kritiko pananglit sa kontrobersyal kaayong war on drugs.
RadyoMan June Duterte
