Davao City- Aduna nay mga pangalan nga gisugyot kun girekomenda kang Pres. Rodrigo Duterte ang outgoing Chief-of-Staff sa armadong kusog sa nasud-Pilipinas nga maoy mohulip kaniya human sa iyang pagretiro karong bulana.
Atol sa iyang pagbisita denhe kaniadtong Martes Oktubre 17 sa Eastern Mindanao Command (Eastmincom) sa Panacan ning syudad, gibatbat ni Gen. Edurado Año nga upat ka mga pangalan ang iyang girekomenda ngadto sa pangulo apan wala niya kini ginganlan atubangan sa media.
“Hindi tayo pwede mag name, it’s putting pressure on our president pero sa tingin ko naman, maaaring may desisyon na ang presidente ngayon,” segun ni Año.
Dugang sa mobiyaay na nga hefe sa nasudnong kasundaluhan, gisiguro niya nga ‘equally qualified, capable, senior officers’ nga makadumala og tarong sa AFP ang mga pangalang iyang ginominar ngadto sa pamuno-nasud.
“And I trust and I believe and I will fully support kung sino man yung made-decide ng pangulo,” sulti sa outgoing chief.
Kahinumduman nga napili ni Duterte si Año nga ihulip kang dismissed DILG Sec. Ismael ‘Mike’ Sueno sanglit kinahanglan ang usa ka opisyal nga pamilyar na sa kalihukan sa kapulisan ug adunay igong katakos nga mopatuman sa disiplina sa hut-ong sa mga pulis sa entero nasud.
Sa pagkakaron, ang DILG gidumala usa ni Undersecretary Catalino Cuy nga usa usab ka taga-Davao silbing enkargado-opisyal mientras gihulat ang pag-assume ni Año sa maong departamento.
RadyoMan Renz Barbarona
