General Snatos City—Usa ang patay samtang duha ang angol sa nahitabong disgrasya sa kadalanan sa National Highway nga sakop sa Barangay Apopong ning dakbayan nga gikalambigitan sa usa ka Truck ug tricycle.
Patay ang usa ka Anabelle Eupeña, 54 anyos samtang samdan ang bana niini nga si Virgilio Eupeña, pulos residenti sa Purok DBP, Barangay Apopong. Angol usab ang pasahero nga si Saturnino Almacar, 45 anyos, residenti sa Yu Village, barangay Apopong.
Sumala ni PO2 Marvin Cloma Traffic Investigator sa Traffic Management Unit nga nahitabo ang disgrasya sa kadalanan alas 11:15 ang takna kagabie. Unang na-hit and run sa usa ka kotse ang gisakyang tricycle sa mga biktima, tungod sa kusog nga pagbangga sa kotse sa Tricycle nalabay ang mga nahisgutan sa pikas lane ug didto na kini nabanggaan sa truck nga gimanihuan ni Carlo Barda Jr. nga taga Klinan 6, Polomolok.
Tungod sa kusog nga impact, maayo gyung pagkalagpot sa mga biktima diin nagrabihan ang ginang nga hinungdan sa iyang kamatayon.
Sa kasamtangan ang driver sa Truck ang anaa na sa kustudiya sa Traffic management Unit kansa posibling kasuhan ug Reckless Imprudence Resulting to Homecide. Samtang gina-ila pa ang driver sa kotse nga unang nakabangga sa mga biktima kansa posibli usab nga mag-atubang ug kaso.
