Davao Occidental – Dul-an 10 mil na ka mga baboy ang gi-ihaw ug gilubong gikan sa 15 ka mga Barangay sa lungsod sa Don Marcelino, Davao Occidental, aron mapugngan ang pagkuyanap sa African Swine Fever (ASF) Outbreak sa maong lalawigan.
Sa interview sa DXDC RMN DAVAO kang Don Marcelino Mayor Michael Maruya, upat hangtud lima ka adlaw ang pag-ihaw ug paglubong sa mga baboy. Matud sa Mayor, mokabat sa 13,000 ka mga baboy ang ilang ipanglubong sa pagseguro nga dili na mokuyanap ang virus.
Gipasabot ni Mayor Maruya, makadawat og 5 mil pesos ang matag tag-iya sa baboy nga gi-alokar sa panggamhanan pinaagi sa Department of Agriculture.
Gibutyag ni Davao Occidental Gov.Claude P. Bautista, 50 milyones ka pesos ang gigahin nga pondo alang niini human gipailawom sa State of Calamity ang probinsya sa Davao Occidental tungod sa ASF Outbreak.
RadyoMan Don Pulayao
