Indonesia – May tatlo eon ka bronze medal rong Team Pilipinas sa 2018 Jakarta-Palembang Asian Games sa Indonesia.
Nabuoe ni Agatha Wong ro bronze medal sa Wushu Women’s Taijijian at Taijiquan Event.
Uwa man gin swerte nga makabuoe it podium finish rong swimmer nga si Roxanne Yu sa 200 meter final.
Pang waeo eamang si Yu sa anang event nga nadag-an ni Daiya Sato it Japan nga naunahan rong teammate kara nga si Nao Horomura. Bronze medal man rong nabuoe ni Zhuhao Li it China.
Gin perde man it Pinay Blu Girls ro Hong Kong, 8-0 sa elimination round it women’s softball.
Nagapanguna gihapon rong China nga may an-um ka bueawan, tatlo ka silver ag tatlo ka bronze medal.
Facebook Comments
