Davao City – Mas sayon na sumala pa ang proseso sa pagparehistro sa mga trisikad ug motorized tricycle for hire, tungod kay sa barangay na mismo kini gipahigayon sa pagpanguna sa City Transport and Traffic Management Office (CTTMO), butang nga gikalipay sa mga registrants.
Sa pakighinabi sa DXDC RMN Davao kang Gemma Guhao, trisikad in-charge sa CTTMO, gibutyag niini nga dili na kinahanglang muadto pa ang nahisgutan sa CTTMO office, pagbayad dapit sa may Ecoland terminal, nga makapahasol sa nahisgutan aron sa pagparehistro.
“Nalipay sila kay gi-anhi sila sa ilang barangay. Dili na sila kinahanglang muadto sa mga opisina tungod kay wala pa man na-usa ang opisina sa pag proseso.” segun niini
Saysay ni Guhao nga gawas nga mas dali na ang pag proseso, nadasig usab ang nahisgutan nga ipa-rehistro ang ilang mga trisikad ug motorized tricycle for hire diin makonsidera nang legal ang ilang mga sakyanan.
Nasayran nga sa maong registration, maklasipika sa upat ang mga trisikad diin kini ang pampasahero, pang merkado, ug cargo adunay bayad nga 1,000 samtang kung personal na gamit aduna lamang kini bayad nga P500.
RadyoMaN Kirby Manzon
