BACOLOD CITY – Patay ang isa ka nagapakilala asset sang PDEA matapos nga ini siya ang gintiro kaina sang kaagahon sa area sang Brgy. 8, Bacolod City.
Ginkilala ang biktima nga si Reynaldo Pescadeno Jr., 29 anyos ang edad, soltero kag pumuluyo sang Brgy. Vista Alegre, sining ciudad sang Bacolod.
Suno sa report, may mga las 2 kaina sang kaagahon, ang biktima ang nagapungko sa higad sang dalan sang Narra Baybay, Brgy. 8 sang hinali na lamang ini nga gindulugan sang 2 ka mga nakabonet nga mga suspek nga nagasakay sa Adventure nga blue.
Ginpahayag nga ang igo sang biktima amo sa iya dughan kag tiil kon diin gindala pa ini sa Corazon Locsin Montelibano Memorial Regional Hospital may mg alas 2:30 sang kaagahon kag gin-revive apang wala na nasalbar pa.
Gindeclare nga patay ang biktima may mga las 4:40 sini nga kaagahon bangud man sang fatal niya nga igo sang bala sa iya dughan kag tiil matapos gintiro sang mga suspek gamit ang .45 kalibre nga armas.
Suno kay PCinsp. Benedicto Villarias, Jr. posibli lansihanay sa transaksyon sa druga ang rasun kon ngaa ginpatay ang biktima.
Nakaguwa sa mga cellphone messages nga narecover nga may mga transaksyon ini sa druga kag siya nagaserbe naman nga tagdul-ong.
Indi man malayo nga nasunog ini sa iya katransaksyon bangod kay nahibaluan nga asset ini sang mga otoridad./dyHB BACOLOD
