Davao City – Posibleng away pamilya ang hinungdan sa pagpusil-patay kang Marvin Sumagca gahapong adlawa sa Barangay 76-A boundary sa Matina Aplaya ug Ecoland ning syudad sa Dabaw.
Sumala sa usa sa mga anak niini nga babayi nga dugay na nagbuwag ang ilang mga ginikanan hinungdan sa pagka dismaya sa iyang lola ug sa iyang mga uyoan nga kabanay sa sa iyang inahan.
Gidugang niini nga gina kontak na lamang siya sa iyang papa pinaagi sa text kun boot niini makigkita aron sa supporta sa ilang panginahagnlan.
Nagpagula usab ug pamahayag ang anak nga adunay ikaduhang asawa ang iyang amahan nga nga padayon usab gina imbestigahan sa kapolisan.
Sa pagkakaron ginapaningkamotan sa kapolisan nga makuha ang CCTV footage nga nakamuntar sa maong area aron mailhan ang suspek nga giingog naka motor nga nagsul-ob sab og bonet ug helmet.
RadyoMaN Paul Canono
