Davao City- Gipusil-patay ang usa ka babae diha sa may usa ka mall sa may Bajada duol sa buhatan sa Davao City Water District karon lang alas dos sa hapon.
Ang biktima giila nga si Odessa Uganap Refamonte, 39 nga taga Kalubihan Ecoland Davao City.
Base sa report sa kapolisan, sa dihang minaog ang biktima sa taxi nga iyang gisakyan kalit kini giduol sa usa ka lalaki ug gipusil sa dughan.
Nasayran nga ang suspek angkas sa motorsiklo kauban ang usa pa ka laing lalaki kinsa mi-drive sa maong behikulo ug daling miikyas sa wala matino nga destinasyon.
Narecover sa crime scene ang usa ka basiyo sa .45 kalibreng pistola.
Padayon pang giimbestigahan karon sa Sta.Ana PNP ang motibo sa pagpusil-patay sa maong babae.
RadyoMan Abi Bibera
Facebook Comments
