Babae gipusil samtang nag-inum, suspek nailhan

134

Davao City – Gisusi pa sa kapolisan sa Digos ang motibo sa pagpusil sa usa ka babae sa Superhighway, Brgy.San Jose, Digos City , alas 11:50 sa udto, January 20, 2020.

Subay sa record sa Digos City Police Station, ang biktima giilang Catherine Mutya Sakarelou, 41 anyos ug nagpuyo sa Brgy. Aplaya, syudad sa Digos, kansa gipusil sa lalaking nagsakay sa motorsiklo samtang nag-inum kauban ang iyang mga higala sa usa ka establisiemento sa maong lugar.

Base sa unang inbestigasyon, nailhan sa biktima ang suspek nga si Elvin Camallere kinsa misibat human sa pagpamusil gamit ang .45 pistol.

Si Sakarelou, nakaangkon og samad pinusilan igo sa nagkadaiyang parte sa lawas ug daling gidala sa Davao Del Sur Provincial Hospital apan gibalhin sa syudad sa Davao tungod sa grabeng samad.

Nagpadayon karon ang hot pursuit operation sa kapolisan aron madakpan ang milayas nga suspetsado.

Sa pikas bahin, luwas na sa kuyaw nga kahimtang sulod sa Southern Philippines Medical Center (SPMC) ang biktima human gihatud gikan sa syudad sa Digos.

RadyoMaN Joel Viray




Facebook Comments