General Santos City—sikop sa gipahigayong search operation sa operatiba sa Polomolok Municipal Police Station ang usa ka babaye human nakuhaan ug iligal nga druga sa may Purok Pag-asa, Barangay Lumakil, Polomolok.
Ang suspek nailang si Mohanilyn Lavega, legal age, residenti sa samang lugar. kaadlawon kagahapong adlawa dihang gihimo ang operasyon nga miresulta sa pagkasikop sa nahisgutan human nakuhaan ug (2) ka sachet sa gituohang shabu.
Sumala ni Police Sr. Inspector Hernan Gabat, Deputy Chief of Police sa Polomolok PNP nga notado nang tigbaligyaan ug iligal nga druga ang nahisgutang suspek. Una na usab kining mi-surface sa ilang barangay niadtong nakalabayng tuig.
Human nila nadawat ang impormasyon nga padayon gihapon kini sa iyang iligal nga gimbuhaton, gilayon nila kining gipailawom sa operasyon.
Hugtanon usab nga gihimakak sa suspek nga siya lambigit sa druga. Sumala niini nga dili iyaha ang shabu nga nakuha sa kapulisan sa iyang panimalay.
gihingusgan usab niini nga planted ang ebidensya sa kapulisan batok kaniya.
Kasong paglapas sa RA 9165 ang gikatakdang atubangon sa sa nahisgutang suspetsado.
