Duha ka kaso ang atubangon ni Patrolwoman Sheryl Lou Rances Licayan human nadakpan sa kasong Robbery and Extortion sa usa ka food change sa Apolinar Velez-Kalambaguhan street ning syudad sa Cagayan de Oro.
Mao kini ang gibutyag ni Police Lt. Col. Mardy Hortillosa, sabay sa iyang pag-ingon nga karong adlawa, ipasaka sa DV soria Police station ang kasong Robbery and Extortion batok ni Licayan.
Si Licayan nga nag-edad sa 38 anyos ug taga Hilltop District 1, Macanhan, Carmen ning syudad ug na-assign sa Carmen Police station ang nadakpan sa Entrapment Operation sa Regional Intelligence Division sa Camp Alagar ug Divisoria Police station mga alas tress a hapon niadtong June 11 Martes, sulod sa Jollibee sa Velez – Kalambaguhan st. ning syudad.
Matud ni Hortillosa nga nakuha sa possession ni Licayan ang tres mil pesos nga marked Money.
Gibutyag ni Hortillosa nga si Licayan, nangayog salapi sa usa ka babayeng nag-apply sa trabaho isip Non Uniform Police NUP sa Camp Alagar.
Kini ang rason nga ang biktimang aplikante nga wala ibutyag ni Hortillosa ang ngalan, misumbong sa mga police busa gilunsad sa Camp alagar ug Divisoria Police ang ilang entrapment operation.
Matud ni Hotillosa nga pinaagi sa Inquest Proceedings si Patrolwoman Licayan, pasakaan sa kasong Robbery And Extortion sa City Prosecutors office.
“Gawas pa sa Criminal Case, pasakaan pa gyud siya ug Administrative case” matud ni Hortillosa.
