Kalibo, Aklan – Padayon makaron nga ginabueong sa sangka pribadong hospital rong sangka misis matapos nga takawan ag binuno ko nagtaliwan nga gabii sa Brgy. Briones, Kalibo, Aklan.
Ro biktima nakilaea kay Blaire Repe, 42-anyos ag residente it nasambit nga lugar.
Suno sa anang report sa Kalibo PNP nga samtang sa second floor imaw it andang baeay hay naka batyag imaw it kaeas, anang gintan-aw g nakita rong sangka eaeaki.
Gintutokan imaw it kutsilyo ag naghambae raya nga “kelangan ko ng 20,000, ibigay mo sa akin gang mga alahas mo” ag dikara naghinyo rong biktima nga indi eang imaw pagpatyon itao na ro kinahangean it manakaw.
Gintao it biktima ro anang gold nga singsing, pila ka mga relo nga maeahaeon ag kwarta nga 10,000 pesos.
Matapos nga matao sa suspek rong mga items hay ginbinuno na rayon ro biktima nga inigo sa parte it eawas ag naghambae ro suspek nga para indi eon makasugid ro biktima.
Nasayuran nga nakasueod ro suspek pinaagi sa pag-agi sa pwertahan it kusina bangud nga halipatan rayang i-lock, pati rong kutsilyo nga gingamit it suspek hay sa kusina man mismo it biktima ginbuoe.
Sa makaron hay nagapadayon rong imbestigasyon ko mga katapo it kapulisan angot sa nasambit nga insidente.
