Una eon sa 60% accomplishment ro 10 Kilometer nga Banga-Libacao Farm-To-Market Road nga may limang ka tulay.
Daya do manami nga balita nga ging paabot ni Regional Project Director Manuel O. Olanday sa gobyerno it Aklan.
Suno kara daya nga karsada sa banwa it Banga, Madalag ag Libacao hay ging desinyo gid para sa mga pumueoyo sa lugar ag para sa mga agriculture areas.
Dugang pagid ni Olanday nga dayang rehabilitasyon it farm-to-market road project nga may limang ka tulay hay kaparte it 149 million fund pamaagi sa Philippine Rural Development Project (PRDP).
Daya nga proyekto suno kay Director Olanday hay mas magatao pagid it mas mataas nga level it aksibilidad para sa farmer beneficiaries eabi eon gid sa pagpaeapad it abaca production.
Nasayuran nga pamaagi sa manami nga karsada, mapadasig ro pag transport ag pag market it abaca products kung sa siin daya nga 10 Kilometers nga karsada sa Banga, Madalag ag ,Libacao hay makabenipisyo sa mga pumueoyo ag sa agricultural land areas nga abong mga pananom ag livestock production.
