Malinao, Aklan — Padayon makaron nga ginabueong Aklan Provincial Hospital rong sangka Brgy. Tanod matapos maghana nga magpakamatay pinaagi sa pagbuno ag paglaslas it anang kaugalingon.
Rong biktima itago eamang naton sa pangaeang alyas “Cardo”, 52-anyos ag residente it sangka barangay sa banwa it Malinao.
Sa pakikipag-angot it DYKR RMN Kalibo kay PCINSP. Alfonso Manoba Jr.,ro chief of police it Maliano MPS nga basi sa andang pag imbestiga nga ko Lunes it gabii hay nag away ro biktima ag ro anang misis, pagka aga nag report sa Malinao PNP ro anang misis ag ginserbihan it 15 diyas nga protection order.
Sa 15 diyas ngara ro biktima hay indi anay pwede nga mag-iba sa anang misis, ag gin advisan imaw nga idto anay sa anang igmanghod mag tiner kung sa siin raya ro ginapanan-aw nga rason it anang paghana nga pagpakamatay.
