Bangud sa away sa magahud nga tambutso sang motorsiklo, isa ka persona nabun-an sa banwa sang Dumarao!

Dumarao, Capiz – Pilason ang isa ka 22- anyos nga lalaki matapos nga ini ang ginbuno sa Barangay Codingle, Dumarao, Capiz.
Nag-angkon sang pilas sa iya abaga ang biktima nga nakilala kay Felixberto Bedia, residente sang nasambit nga lugar.
Nagaguha sa inisyal nga imbestigasyon sang kapulisan nga ang tuman ka gahud nga tambutso sang motorsiklo nga ginapanag-iyahan sang 30- anyos nga suspek nga si Renan Gabio amu ang gintunaan sang indi pag-intindihanay sini kag sang biktima.
Una nga ginsulong sang biktima nga si Felixberto Bedia ang suspek tubtob sa ila poluy-an gani nga ini ang nabun-an sang suspek.
Nahibaluan nga lunsay yara sa impluwensiya sang makahulobog nga ilimnon ang duha ka mga persona sang matabo ang insidente.

– web photo

Facebook Comments