Davao del Sur – Arestado sa kapulisan ang upat ka mga suspek sa kasong pagpangawat human sila gikatahong nangawat og mga grocery items gikan sa usa ka tindahan sa Poblacion, Sulop, Davao del Sur, alas 11:45 sa buntag, Abril 28, 2026.
Sumala sa imbestigasyon, tulo sa mga suspek ang misulod sa tindahan ug gikawat ang mga baligya samtang ang usa ka kauban naghulat sakay sa ilang sakyanan.
Pinaagi sa CCTV footage sa Julie’s Store, nailhan sa Sulop Municipal Police Station ang mga suspek nga dayon mikalagiw. Gilunsad gilayon ang dragnet operation sa pakigtambayayong sa ubang police units ug sa Regional Mobile Force Battalion.
Nasikop ang mga suspek sa Baluyan Border Control Point sa Malalag, Davao del Sur. Nabawi usab sa kapulisan ang mga gikatahong gikawat nga mga butang nga gibanabanaang mokabat sa P6,000. Samtang mag-atubang og kasong theft ang maong mga indibidwal.
RadyoMaN Kareen Beltran
Facebook Comments
