Bangud sa baboy unga linabo it tatay

Madalag, Aklan – Nakaangkon it lastro sa uyahon ag dueonggan rong unga matapos nga eab-on ko anang tatay bangud eamang sa baboy kahapon sa Sitio Hinueogan, Brgy.Paningayan, Madalag, Aklan.
Nakilaea rong biktima kay Wilmer Cuastro, 38-anyos samtang rong suspek nakilaea kay Wilmerto Cuastro, 68-anyos tanan residente it nasambit nga lugar.
Suno sa report nga umuli rong biktima nga hilong ag ginkutana rong tatay parte sa baboy nga ginbaligya bangud nga uwa imaw kasayod.
Bangud nga sa hilong man rong tatay naakig raya ag may nagpatunga kanda nga diskusyon, bumuoe raya it sanduko ag linabo rong unga.
Sa makaron padayon nga ginabueong sa Aklan Provincial Hospital rong biktima samtang rong tatay hay padayon nga ginainusoy bangud nga madasig raya nga naeagyo matapos rong insidente.
Nasayuran nga raya rong pangatlong beses nga imaw haeab-an ni tatay na bangud nga kon kada mahilong rong biktima hay si tatay na ro anang ginapaingtan.

mmmm.pptx