KALIBO, AKLAN — Nakaangkon it tama it pagbaril rong gumankon matapos nga barilon ko ana mismong tiyo kabii sa Brgy. Sandimas, Malinao, Aklan.
Ro biktima nakilaea kay Jerry Taladro, 35-anyos ag nakaangkon it tama sa tuo nga panuok ag eomapos sa anang hita.
Samtang rong suspek hay ro ana mismong tiyo nga si Marcelino Armada, 47-anyos tanan residente it nasambit nga lugar.
Sa pakikipag-angot it RMN Kalibo sa biktima nga natabo rong pagbaril kana samtang naga inum-inum sanda ko anang tiyo matapos nga may magpatunga kandang mainitang diskusyon.
Nasayuran nga bago pa man matabo rong pagbaril hay nagbaeaywan anay sandang daywa pero naduea ro suspek ag sa anang pagabalik may daea eon raya nga .38 nga baril ag binaril ro biktima.
Suno kay PO1 Icayan it Malinao PNP, bulontaryo mat-a nga nag surrender ro suspek samtang ro biktima hay padayon nga ginabueong sa Aklan Provincial Hospital.
Under follow up pa ro nasambit nga insidente bangud nga uwa eon marecover ro baril nga gingamit it suspek.
