Balete, Aklan — Comatose makaron ag padayon nga gina obserbahan sa Intensive Care Unit (ICU) it sangka pribadong hospital ro 16-anyos nga binatilyo matapos maghana nga magbigti sa sangka lugar sa banwa it Balete.
Sa nabuoe nga impormasyon it RMN DYKR Kalibo nga natabo rong insidente ko nagtaliwan pa nga petsa 21 it Setyembre hapon it Sabado.
May exam ro nasambit nga biktima ag samtang naga exam naakig rong masetra bangud nakita raya nga naga kopya kung sa siin gibuoe ro test paper, kinumos ag pinilak nga naging rason para mapahuya rong biktima.
Bangud kara ginbatyag it biktima ro natabo ag naka isip nga magbigti pero bago pa man nana raya ginkumeter hay naka sugid pa raya sa anang magueang nga maga suicide imaw bangud sa natabo.
Sa pihak nga parte gin adtunan gid ko RMN News Team ro pamunuan ko nasambit nga eskwelalan ag gin usoy ro natungdan nga maestra pero nagpamalibad raya nga magtao it statement on the record kamana man ro andang principal pero andang gin-ako off the record nga matuod nga natabo rong pagkumos ko maestra it biktima sa test paper matapos madakpan nga nagapangupya pero uwa sanda naga pati nga rato gid ro maging dahilan it biktima para magkomitar it suicide dahil matsa uwa malang man sa biktima ro natabo ag nagahibayag pa raya tag ginpaguwa sa room.
Nasayuran man sa pamunuan it eskwelahan nga rayang biktima hay transferee una umpisa ko July bangud nga gin recommend raya ko anang dating eskwelahan para nga mapaeayo sa anang mga barkada ag bukon it manami ro anang record ag sa presente nana makaron nga eskwelahan hay ginasugid nga sa sang buean hay makap-at eamang raya naga sueod ag kon amat nadadakpan sa klase nga natutueogan ag parang uwa ro atensyon sa klase.
Samtang, natigayon man nga mabue-an it statement kung News Team ro lola ko biktima nga raya rong naga dipara nga katimbang ko nanay na dahil uwa eon raya it tatay nga nagaksubo man sa natabo ag may mas-ot it buot sa nasambit nga maestra ag naghambae nga kunta mana kon nahadakpan gid man nga nagapangopya ro unga hay ginbuoe ro test paper gin istorya it sa marawhay nga indi man mapahuya ro biktima. Suno kana sanda mana ro ginakabig nga ikaywang ginikanan ko mga unga pero bukon it mayad ro anang gin-ubra. Kon uwa mana imaw it saea ham-an uwa imaw naga pakita ag ginapasa pasa rong pamilya kon sin o ro makasabat sa natabo.
Sa makaron hay nagapanawagan man rong lola sa mga makatao kanda it bulig bangud nga dali lang sanda mag sang buean sa hospital ag uwa eon sanda it kwarta nga ikagastos sa hospital.
