Ibajay, Aklan – Natigayon nga maaresto it mga kapulisan rong sangka eaeaki kahapon it hapon sa Brgy. San Isidro, Ibajay, Aklan bangud sa illegal nga bueang.
Nakilaea rong nadakpan nga si Reynato Cea Soliman, 38-anyos ag residente it nasambit nga lugar.
Base sa report it Ibajay PNP nga naaresto si Soliman ko gintingub nga pwersa it Ibajay PNP ag Aklan PPO samtang nagahimo sanda it anti-illegal gambling operation. Nakatiagayon pa nga makadaeagan si Soliman ag nagpanago sa sangka baeay pero imaw ra hay pinaguwa it tagbaeay sa rason nga basi madaeahig.
Na-rekober kana rong sangka manok nga pangbueang ag may naka takod pang bueang.
Nasayuran man nga may ‘spoter’ rong ginpatigayon nandang bueang kahapon rason nga madasig nga nakapaeagyo rong iba.
Sa makaron hay una eon sa kustodiya it Ibajay PNP si Soliman para sa pagpasaka it nagakaigong kaso.
