Kapin 200, 000 ka trabador, nakabaton eon it bulig halin sa DOLE

13

Nag-abot eon sa haeos 200,000 ka mga empleyado nga apektado it banta kung coronavirus disease o COVID-19 rong nataw-an it ayuda kung Department of Labor and Employment o DOLE.
Sa pahayag it DOLE, sa P622 million nga cash assistance rong nahatao eon sa mga benepisyaryo it COVID Adjustment Measures Program (CAMP) ag Tulong Panghanapbuhay sa Displaced/Disadvantaged Workers-Barangay ako Bahay Ko (TUPAD-BKBK) program.
Ga abot man sa 102,895 formal sector workers sa idaeom it CAMP program ag sa 80,000 nga trabahador halin sa informal sector pinaagi sa TUPAD BKBK program rong nakabaton it P5,000 cash assistance.
Ro insigidang pagtao it cash assistance hay tuga man it mando ni Labor Secretary Silvestre Bello III sa mga DOLE officials nga hagan haganon rong mga requirement sa pagpasa it establishment reports kung mga employer.
Target makaron it DOLE nga mataw-an it ayuda ro kapin 350,000 formal ag informal sector workers sa katung-anan it Abril kung siin paga gamiton nanda rong P1.5 billion nga pondo CAMP ag TUPAD program.
Nagakinahangean man sanda it dugang nga P 5 billion nga pondo sa katapusan it buean kung Abril para mataw-an man it bulig pinansyal rong mga empleyado it krisis kung COVID-19 nga nag abot eon sa 600,000 base man sa field monitoring reports it DOLE.

Facebook Comments