Kalibo, Aklan – Arestado rong daywa ka mga eaeaki matapos nga magbayolar sa curfew ag social distancing kabii sa may Capitol Site, Brgy. Estancia, Kalibo, Aklan.
Ro nasambit nga mga eaeaki hay nakilaea nga sanday Romel Nival, 29-anyos ag Aron Niverca, 18-anyos tanan residente it Brgy. Talimagao, Madalag.
Base sa report it Kalibo PNP nga nadakpan rong daywa matapos nga magkaangkas sa motor nga pagbayolar sa social distancing ag mga alas 11:00 eon it gabii nga pagbayolar sa curfew.
Dugang pa nga mga nakainum rong daywa.
Suno sa daywa hay maga uli kunta sanda sa banwa it Madalag bangud nga mabuhay eon uwa sanda naka uli.
Sa makaron hay kulong sa lock up cell it Kalibo PNP rong daywa.
Facebook Comments
