Bangud sa selos asawa gin-utdan ulo sang iya bana.

54
Patay ang asawa, matapos nga ginlabo sa mga nagkalain-lain nga parte sang iya lawas sang mismo bana sa bahin sang Barangay Klubi, Lake Sebu, South Cotabato pasado alas 12:30 sang udto, Agostot 25, 2022
Ginkilala ni PLTCOL. Joven Bagaygay, Chief of Police sang Lake Sebu PNP ang biktima kay Marina Klading Kuyan, legal ang pang –edaron, samtang ang suspek nga bana ang ginkilala kay Julie Kabansil Kuyan alias “Li”, 44-anyos , mangunguma, pareho residente sang Sitio Kabalig, Barangay Klubi, Lake Sebu.
Base sa ila imbestigasyon suno kay Lt. Col Bagaygay, samtang nagapanyaga ang biktima sa payag kaupod si kagawad Chita Falan Sulan s diin gintawag sang suspek ang asawa kag sang nagpalapit gilayon niya nga ginlabo ang misis sa wala nahibaluan nga rason.
Apang wala pa nakontento ang suspek nga bana gin-utdan pa niya sang ulo ang iya asawa kag gilayon nga nagpalagyo.
Samtang makaligad ang pipila ka oras nagsurender ang suspek sa operating team kag Sepcial Forces 10th Company 5th Batallion sa lugar.
Natalana naman nga pasakaan sang kaso nga parricide ang suspek nga yara sa subong sa kustodiya sang Lake Sebu MPS.
Facebook Comments