General Santos City—Sikop sa gilusad nga Buybust operation sa Police Station 3 ang usa ka Barangay Tanod nga gipahigayon sa Santiago Boulevard, Barangay Lagao, Gensan ala 1:45 ang takna sa kaganinang kabuntagon.
Suspek giilang si Israel Alagas Buka, 33 anyos, residenti sa Purok Bagong Silang, Barangay Labangal, Gensan.
Napalitan ang nasangpit ug (1) ka sachet sa gituohang shabu gamit ang P500.00 nga marked money.
Nasayran nga dugay nang gipanid-an sa Police Station 3 ang iligal nga gimbuhaton sa suspek ilawom sa ilang area of responsibility ayha pa gihimo ang operasyon.
Kasong kalapasan sa RA 9165 ang gikatakdang ipasang-at sa kapulisan batok sa suspek kansa balhog na karon sa silda.
Facebook Comments
