Basura nan syudad dili makaya nan mga kolektor lamang! Angayan na tanan may tulubagon sanan mohimo sa ila parte o share! Ini amoy tagpasabot nan mga kadagkoan nan Surigao City General Services Office na dili nila maatiman ang tanan na mga basura na naghamok ug nagkanat ra sa mga kadayanan sa lain-laing Barangay sa syudad, ini an gibutyag ni Jun Besitula, an nanguyo sa amu na opisina sa programang Straight to the Point nan RMN Surigao. Sumaya pa ni Besitula na kinahanglan an mga iniative isab nan mga Barangay sanan Purok officials og mupakita isab sa pag awhag sanan pagdisiplina sa ila mga residente. “Our mandate is only to collect garbage, dapat unta an mga opisyales sa mga Barangay an dapat na motabang sab pag awhag sa ila residente na ila unta plastaron sanan e-separate an ila mga basura. Dapat may action sab sila para dili na magkanat ila mga basura kay ila man jaon trabaho, mu-cooperate unta sab sila kay ila raman sab jaon sakop,” sumaya pa ni Besitula. “An amo mga collector, dili na jaon namo ma sundan tanan mga basura, dili tanan oras jaon kami magsunod sa pagcollect nan mga basura kay may mga schedule baja kami. Hangyo ra namo na mu-cooperate sila na manawagan sa ila residente na ipansuyod pagdajaw an ila basura na dili gajud magkanat para makuha sab nan mga collector pagdajaw,” dugang pa ni Besitula.
