General Santos City—Notadong nagapamaligya ug iligal nga droga ang batan-ong una nang namatay atol sa gihimong Buy-bust operation sa Polomolok Municipal Police Station kagahapong adlawa.
Nasayran nga Dead On Arrival sa Pagalungan Hospital sa lungsod sa Polomolok ang 23 anyos nga si Felix Tondag, nga taga Purok 2, Barangay Rubber, Polomolok human nga napusilan sa kapulisan human misukol atol sa operasyon.
Sumala kang Police Capt. Rommel Hitallia, Deputy Station Commander sa Polomolok MPS nakamatikod ang suspek mao nga nibunlot ug pusil apan kini naunhan sa kapulisan ug napusilan nga hinungdan sa iyang kamatayon.
Paspas usab nga nakasibat ang kaubanan niining wala pa nailhan padulong sa brgy. Palkan.
Na-recover gikan sa posisyon sa suspek ang pipila ka sachet sa gituohang shabu ug armas nga.
22 revolver. Gikumpirma usab ni Capt. Hitalla nga kanhi nang na-priso ang target apan naka-pyansa kung asa ang pangalan niini ang nalakip sa inter-agency drug information data base.
