BFI NAGPAUTWAS IT HIBUBUN-OT SA PAL

Kalibo, Aklan – Nagpaabot it hibubun-ot ro Boracay Foundation Incorporated BFI
sa Philippine Airlines PAL sa ging patigayon nga committee hearing it
Sangguniang Panlalawigan Committee on Transportation and Communication,
Committee on Tourism ag OversightCommittee.
Raya hay angot sa legislative inquiry may kaangtanan sa privilege speech ni
Board member Nemesio Neron bangud sa obserbasyon nga problema makaron
it Aklanon ro kakueangan it inbound ag outbound flights sa Caticalan ang Kalibo
Airports.
Suno kay KIA General Manager Efren Nagrama bago ging sirado ro Boracay, may
total nga 342 inbound domestic flights pa kada buean may una sa Kalibo
International Airport nga may 78 mil nga pasahero samtang makaron may una
lang nga total 87 flights ro eroplano it tatlong ka airline companies, PAL, Cebu
Pacific ag Air Asia nga may 14 ag 15 mil outbound ag inbound passagers.
Samtang samakaron sa Caticlan Airport sangka eroplano lang it Air Asia ro
nagabiyahe nga naging dahilan ko pagproblema it mga Malaynon sa andang mga
paeanawon sa Manila.
Suno kay BFI President Neneth Graf, matapos kumita it husto ro Philippine
Airlines tag bukas pa ro Boracay makaron nga ginakinahangean nanda ro dugang
nga flights it bisan 45 setter eon lang nga eroplano it PAL indi pa sanda
madugangan.
Sa pihak nga bahin nagpayahag mat-a si Atty. Jackelyn Quinto. Legal Counsel it
PAL nga sa buean it July makadugang sanda it 4 ka inbound ag outbound flights.