Nag-ani it sari-saring reaksyon rong ginpaguwa nga video ni Presidential Communications Assistant Secretary Mocha Uson.
Nag guwa rong video pilang adlaw matapos nga magpangako si Uson nga magabulig sa information drive it gobyerno angot sa charter change (cha-cha) at hagnang federal charter.
Makita sa video rong ginahimong suggestive dance it anang co-host nga si Drew Olivar samtang gina kantar o mga tinag nga ‘i-pepe’ ag ‘i-dede’ samtang nagasaot ag nagakumpas rong mga alima anang pundya ag dughan.
Pagkatapos hay ginasinggit ni Olivar rong ‘i-pederalismo’ pagkatapos it dance number.
Nagabuhay ro nasambit nga video it 30 segundo.
Ginpahayag ni Uson nga uwat kaangtanan rong consultative committee (con-com) nga imaw ro nag review it 1987 Constitution sa kontrobersyal nga dance number.
Suno nga, tanan rato hay kasadyahan eamang ag bukon pa it kaparte kung information and dissemination campaign.
