Davao City – Naalarma ganina ang mga taga-Toril human makakita og dakong aso nga nag gikan sa sulod sa koprasan sa Brgy, Lizada, Toril ning dakabayan pasado alas 12:00 sa udto.
Mikuyanap ang kalayo sa bodega sa koprasan nga gipanag-iyahan sa mga Gentilles diin matud ni Senior Fire Inspector 3 Jaime Lopez nga nanobra og sugnod ang pugon diin na-over cooked kini hinungdan sa maong sunog.
Sa pakigbisog sa kabomberohan sa maong sunog, ilang gipalibutan og tubig ang isig kabongbong sa maong bodega gumikan naglisod sila’g palong sa padayong naglana nga mga kopras gani malamposon kining napalong alas 2:00 na sa kahaponon.
Sa imbestigasyon sa Bureau of Fire Toril, mokabat sa kapin P100,000 ang damyos sa maong sunog gani kapin P2,000,000 ang kantidad sa kopras ang nasalbar.
Hinuon walay natala nga namatay o naangol sa maong insidente.
RadyoMaN Jason Amisola
