Doble makaron do penitensya it mga taga isla it Boracay bangod sa na-ikperyensyahan nga pagbaha ag brown-out nga sobra eon sa dose-oras.
Ro isla it Boracay hay ging baha halin pa kabii bangod sa sige ag mabaskog nga pag ilinuean nga ging dugangan pa it pilang oras eon nga brown-out.
Pila sa mga ging baha kara hay ro lugar nga maeapit sa fairways resort sa paeosob nga karsada, Manoc-manoc area, D’mall ag ro Cagban Bobon nga sinueod gid ro mga panimaeay it tubi baha.
Kaangot kara ro Aklan Electric Cooperative (Akelco) hay padayon gihapon sa pag-ayos it nasamad nga linya sa NGCP sa Sitio Pook, Gibon, Nabas maghalin alas-6:48 kabii.
Do nasambit nga pagbaha hay ging kaugot man it mga motorista ag turista samtang ro brown-out man hay nag halit it mga negosyo sa isla.
